Tennis- / Sommercamp 2006

Mentig
Bi super Wettar simmar in üsars füfta Lager gschtartat. Miar Laiter hend aigentlich gar nit vil müassa erklära, fascht alli Kindar hend genau gwüsst wia dar Has lauft. Nochdem alli Täscha, Velos und Schua am richtiga Ort gschtanda sind und Alli ihras Plätzli im Zimmar gfunda hend, simmar uf da Tennisplatz. Noch am Spaghettiplausch am Mittag, häts an Fuassball-, Tennis- und Volleyballplausch geh...
Fazit vom erschta Tag: Lässigi Kindar und schöns Wettar! Was wemmar meh?
Ils menaders










































Zischtig
Am Vormittag hemmar Tennis, Badminton, Sitzball, Völkis, Ball über die Schnurr und Fuassball gschpilt. Am Nomittag sind miar denn go Capitola, Rugby und nomol Tennis go schpila.
Marlon, Leo, Roman und Gian- Luca





































































Mittwuch
Miar sind ufgschtanda und hend zmorga gässa. Denn sind miar in da Crestasee ganga döt sind miar in da Waldganga zum Holz suacha und hend as Füür gmacht zum Würscht brötla. Noch ca 15 h hemmar törfa widar ins Wasser go. Schpötar isch da Gianmarco und da Aurel kho, si hend üs im Wasser ind Luft gschmissa und miar hend könna Saltos macha. A paar sind ussa ganga abar a paar sind dinna bliba. Dia wo dinna bliba sind dia hend sich uf am Schteg gegasitig ina gschupft denn isch d Romina usgrutscht und am Marlon in d Nasa gschperzt. Denn hät er ganz fescht Nasa blüatat aber noch ca. 3 Minuta häts ufghört blüata, denn sind miar alli widar ins Wassar ganga und denn isch dar Andreas und dar Aurel kho. Denn hend miar nomol könna Saltos macha und öpart hät a Ruckwärtssalto könna und denn hemmar üs a halb Schtund üs könna tröchna lo und denn sind miar widar hai ganga.
Philipp, Mauro





















































Donnschtig
Hüt häts wia immar Brot, Buttar und Cornflakes zum Zmorga geh. D Gruppa 3 hät hüt Morga als erschts Tennis gschpilt. Gruppa 1 isch go Bika ganga und Gruppa 2 uf da Sportplatz. Zum Zmittag häts belaiti Brötli geh, mit Schinka, Salami, Ton und Ei. Ds Highlight vom Tag isch dia gemain Wasserschlacht gsi, wo d Laiter plant hend. Zum Znacht häts Burger und Herdöpfal von Ofa geh.
Céline und Alejandra




































































Fritig
Hüt hät d Gruppa 2 als erschts Tennis kha mit am Gianmarco. D Gruppa 1 hät Golf mit am Aurel, dar Alessia und dar Sibylla gmacht. Dia 3. Gruppa isch mit dar Silvana go bika. Nochher isch no Koordination, Capitola, Football und Baseball uf am Programm gschtanda. Laider häts denn agfanga regna. Drum sind alli in dar Kuchi ghockt und hend verschidani Schpili gmacht. Am Obat häts wia immer an Abschluss geh. Döt hemmar Herzblatt und "Wella porca" gmacht. Zum Schluss hemmar no as paar Liadar gsunga und denn hend miar müassa go schlofa.
Romina, Vanessa